Hafðu samband:

  Miðvikudaginn 26. júní 1963

Ljósmyndir: Steingrímur, textinn: blaðamaður hjá Mbl. 

Björgunarmennirnir Sævar Björnsson, Kristinn Rögnvaldsson og Sigurður Helgason.

Hann hefur ekki verið feigur, því það gekk svo undursamlega vel að bjarga honum, sagði Þórunn Þorgeirsdóttir á Siglufirði, móðir Gústafs litla Daníelssonar sem datt í sjóinn í síðustu viku og var bjargað meðvitundarlausum, er blaðamaður hringdi til hennar.

Drengirnir hennar tveir, 5 ára og 3ja ára höfðu farið út að leika sér um morguninn.

Þeir eru svo mikið fyrir að vera á bryggjunum, sagði hún. --- Þeir hafa farið inn á  Leirur sem eru norðan innri hafnar og Gústi dottið í sjóinn. Það þýðir ekkert að spyrja strákana hvernig þetta hafi viljað til Þeir vita það ekki; segja bara að þetta hafi ekkert verið vont. Engir voru að vinna þarna  nálægt, en það vildi svo vel til að þrír piltar fóru þarna hjá og heyrðu hrópin í þeim yngri. Þeir voru að sækja planka og voru búnir að fara eina ferð, en þurftu að fara aftur. Þá var Gústaf meðvitundarlaus í sjónum. Piltarnir sem heita Sævar Björnsson, Suðurgötu 51, Kristinn Rögnvaldsson, sama stað og Sigurður

Það var ekkert vont

 að detta í sjóinn.

Helgason Suðurgötu 41b, gátu gripið í Gústaf, rétt þegar hann var að sökkva. Þeir kunnu bæði venjulegar björgunaræfingar og einnig blástursaðferðina og byrjuðu strax að beita þeim. Náðu þeir öllum sjó upp úr drengnum.

                                                      Þórunn Þorgeirsdóttir með Gústaf litla son sinn.
Einnig vildi svo heppilega til að  einmitt í sömu mund kom lögreglubíllinn. Maður að nafni Jóhann Vilbergsson, sem var að vinna í Rauðku, sá þegar Gústaf datt, en sjór er þarna á milli (400-500 m.). Hann hljóp upp á lögreglustöð og þeir komu í bílnum á vettvang strax eftir að piltarnir höfðu dregið drenginn upp og lífgað hann við. Hann fékk svo sprautu og var hafður inni í nokkra daga og varð ekkert meint af þessu. Hann er svo hraustur. -- Heldurðu að þeir fari aftur niður á bryggju? -- Ekki segja þeir, segir Þórunn, ern er auðheyranlega ekki sannfærð. -- þetta gleymist fljótt á þessum aldri. Það eru eru vandræði hvað krakkarnir hérna eru mikið á bryggjunum

Bræðurnir litlu. Annar datt í sjóinn og hinn hrópaði á hjálp