Föstudagurinn
5. júlí 1963. Ljósm; Steingrímur. Textinn: Blaðamaður hjá Mbl.
Á
Siglufirði. Ljósmyndari
Mbl. á Siglufirði Steingrímur Kristinsson, sendi blaðinu myndir
þær sem hér birtast, en þær voru teknar þar nyrðra í sl.
viku.
![](images2/Morgunbl-63/09-63-0108-46.jpg)
Tvær þeirra eru af ufsaveiðum á
Siglufirði. Eins og jafnan, fyllist höfnin í Siglufirði af ufsa,
smáum og stórum í kjölfar síldveiðiflotans og síldarvinnslunnar.
Unir hann hag sínum vel í því matarbúri, sem Siglufjörður verður að
yfir sumarmánuðina. Trillubátarnir hafa fullfermi af ufsa úr sjó á
örskammri stundu. Börn og fullorðnir veiða sér til skemmtunar á
bryggjuhausum og frumstæðir veiðimenn afla ufsa með berum höndunum
við fjörugrjóti.
Háa myndin, tveggja dálka
er tekin í fjöruborðinu þar sem tveir vinnufélagar úr landi,
Helgi Sigurðsson nær og Einar Björnsson fjær eru að veiða ufsa
með berum höndunum, í kaffitímanum. Veiðiskapurinn gekk vel
þótt aðferð fornaldarmanna væri notuð. Sýnir það glöggt
samhengið í veiðilistasögu Íslendinga, að um leið og
útlendingar dáðst að því hve við erum fljótir að tileinka
okkur allar nýjungar í veiðiskap og hæla okkur fyrir snögg
viðbrögð varðandi nýjustu uppfinningar, skuli hin elsta
veiðiaðferð enn notuð með góðum árangri .
![](images2/Morgunbl-63/09-63-0102-36.jpg)
Myndin hér til hliðar sýnir þrjá af fjórum síldarsjóðurum sem sem eru nú í notkun hjá SR-46 í
Siglufirði. Þeir voru settir niður vorið 1962 og eru íslensk
smíði.
![](images2/Morgunbl-63/09-63-0102-19.jpg)
Þá eru hér til hliðar sex mjölskilvindur, sem settar voru upp hjá SR-46 í
Siglufirði nú í vor. Þær eru af "de Laval" gerð og
koma í stað hristi-sía sem áður voru notaðar, en þykja nú
úreltar. Þessi fullkomnu tæki hafa þegar verið reynd með
góðum árangri.
![](images2/Morgunbl-63/09-63-0108-42.jpg)
Myndin hér sýnir hvernig skipverjar á
v.b. Fróðakletti styttu sér stundir meðan gert var við síldarnót
þeirra. Þeir gerðu sér litla hringnót og köstuðu á ufsann, sem var í
sjónum fyrir framan bryggjuna. Þeir öfluðu svo vel, að þeir voru
nærri búnir að sökkva plastkænunni sem þeir notuðu, vegna ofhleðslu.
![](images2/Morgunbl-63/09-63-0103-49.jpg)
Að lokum er hér ein mynd
úr íþróttalífinu, til að sanna, að það er hugsað um fleira
en síld og ufsa norður á Siglufirði. Myndin var tekin á
knattspyrnukappleik í II deild Íslandskeppninnar 1963 Sunnudaginn
23 júní. KS, Siglufirði og ÍBH, Hafnarfirði, kepptu. leiknum
lauk með jafntefli 2:2. -- Á myndinni sést markvörður
Siglfirðinga grípa knöttinn. Hafnfirðingur reyndi að ná
boltanum en varð einum of seinn.