Föstudagurinn 12.
júlí 1963
Ljósmyndir: Steingrímur, textinn; Stefán
Friðbjarnarson.
Svipast um af
síldartunnu
Svipmyndir
frá Siglufirði
ÞAÐ gleður
augu Siglfirðinga að líta slíkan dag, sólarhita og lognbjartan,
spegilsléttan fjörðinn, tugi drekkhlaðinna síldarbáta, söltun
á flestum síldarstöðvum, annar á annir ofan. Ljósmyndari Mbl.
gefur sér eilítið tóm frá framleiðslu , störfum til að mynda
lífið og starfið í síldarbænum,
í þeirri trú að ritstjórn Mbl. telji framleiðslustörf til frétta af betra taginu. Myndin
hér til hægri
sýnir söltunarstöð Pólstjörnunnar, þar sem
saltað er af kappi, vanar stúlkur að verki, sem skila góðu
starfi, og vita að skipshafnirnar vilja sem styðst stansa í landi.
Fremst sést á færibönd löndunartækja Dr.Paulverk-smiðjanna,
síðan söltunarstöðin, þá Öldubrjóturinn, togari og
saltskip, fjærst Siglunesið, sem lokar firðinum og gerir hann
bestu höfn síldveiðiflotans.
Hver söltunarstöð hefur
síldarmatsmann. Flestir eru þeir karlmenn en kvenfólkið haslar
sér völl á flestum sviðum. Hér er matsmaður hinnar nýju
söltunarstöðvar Óskarssíldar h.f. frk. Gígja Sveinsdóttir (myndin
til vinstri) Margrét SI 4 færði stöðinni
hennar
fyrstu síld á þessu sumri.
Mynd hér til hliðar er einnig frá Margrétarsöltun
Óskarssíldar. Fréttagildi hennar liggur í færibandinu, sem
flytur síld úr skipi í kassa, upp í hendur síldarstúlknanna.
-- Framleiðandi er Klettur, Hafnarfirði. Þessi
færibönd eru sjálf framtíðin í síldarsöltun.
Þessi mynd til vinstri sýnir löndun
söltunarsíldar úr síldveiðiskipi.
Og neðsta myndin
hér til
vinstri sýnir fyrirbæri sem er að hverfa af sjónarsviðinu,
nótabátinn sem elti hvert síldarskip fyrir 2-3 árum, en hefur
nú fengið hvíldina, vegna tilkomu aukinnar tækni.
En jafnvel gamlir snurpu-nótabátar vilja gera sitt gagn í þjófélaginu, sérstaklega á
Siglufirði, þar sem allir taka þátt í önnum sumarsins. Þessi
gamli bátur hefur einfaldlega hvolft sér ofan myndarlegs
hænsnahúss, fengið sér hurð og glugga, samlagast landslagi og
umhverfi og hýsir 3-400 hænsnaunga, væntanlegar varphænur fyrir
síldarverkunarfólk, sem ekki veitir af fjörgandi fæðu í síld
og sól á Siglufirði
--- Stefán
