10 apríl 1964 (miðvikudag)
forsíðan og........ Ljósmyndir: Steingrímur, Pistill: Mbl.
Siglufjarðarskarð
fært bifreiðum
Óvenjulegt
svo snemma vors
SAMKVÆMT
upplýsingum, sem Morgunblaðið fékk hjá Vegamálastjórninni í gær, standa
vonir til að Siglufjarðarskarð verði fært bílum eftir daginn í dag. Verður
þá lokið við að moka skarðið, en hálfa aðra viku hefur verið unnið að því
starfi og síðustu dægrin allan sólarhringinn með skiptum vöktum. þetta mun
vera fyrr en venjulega, að Siglufjarðarskarð verður fært bifreiðum. Þó sagði
Snæbjörn Jónsson starfsmaður hjá Vegamálastjórn, að skarðið hefði verið
opnað um svipað leyti í fyrra, en þá skall yfir páska bylurinn sem
lokaði því aftur um mánaðartíma. Snæbjörn sagði,
Gengið upp
"Skarðsveg" [Jens
Gíslason]
að hugsanlegt væri
að reynt yrði að takmarka umferð um Skarðið fyrst eftir að það opnaðist en
þó væri það allt óráðið. Síðastliðinn
sunnudag gekk ljósmyndari Morgunblaðsins á Siglufirði, Steingrímur
Kristinsson upp á Siglufjarðarskarð og tók þar meðfylgjandi myndir
ásamt myndina á forsíðu. [stóra
myndin]
Steingrímur sagðist ekki muna eftir að hafi séð svo lítinn snjó
jafn snemma vors og nú. Hefði snjórinn verið dýpstur 3-4 metrar, en oft
hefði hann séð 9-
12 metra djúp
"snjógöng" á þessum slóðum. alveg
snjólaust, en hins vegar hefði mikið af grjóthnullungum hrunið úr
klettunum báðum megin við það. Siglufjarðarmegin sagði
Steingrímur, að sér virtist heldur meiri snjór og þar aðeins séð
móta fyrir vegarkantinum á stöku stað.
Siglufjarðarskarð er einhver
snjóþyngsti fjallvegur hér á landi. Byrjað var á vegagerð yfir
Skarðið í smáum stíl árið
styrk til
verksins. Næstu ár miðaði verkinu hægt áfram, en árið 1942 var
hafist handa af fullum krafti. Haustið 1945 klöngraðist fyrsti bíllinn
yfir Skarðið, en það var ekki fyrr en haustið 1948, að vegurinn var
opnaður og bílferðir hófust reglulega yfir Skarðið að sumarlagi. [14
ára "vinnuferli"]
Vegurinn er hæst 630 metrar yfir
sjáfarmál.
Kofi
Slysavarnarfélagsins uppi í Siglufjarðarskarði
[Þarna var svefnpláss
+ teppi ofl. fyrir 10-12 manns í koju, eldunaraðstaða, matur og "kabína"
til hitunar auk talstöðvar til að láta vita af sér, en oft á haustin
(vorin stundum einnig) komust bílar ekki upp vegna snjóa og var þetta
því oft lífsbjörg í að að komast, restina gangandi.]
Tveir
ferðalangar á Siglufjarðarskarði.
[Þetta eru Vilhjálmur
Guðmundsson tæknilegur framkvæmdastjóri SR á samt
"burðarmanni" Friðrik Friðriksson bifreiðastjóri SR. En
Vilhjálmur þurfti að bregða bæjarleið, en bíll beið hans hinum
megin Skarðsins þennan dag, því ekki var enn búið að opna
Skarðið.]
Það sem sett er innan
[hornklofa], er skrifað nú árið 2001