Miðvikudagur 8. júlí 1964. Ljósmynd: Steingrímur, texti: Stefán Friðbjarnarson.

Norska síldarflutningaskipi Sigvald, strandað á sandrifi á Siglufirði

Síldin og Siglfirðingar SIGLUFIRÐI, 8.júlí    SÍLDIN hefur, það sem af er sumrinu, verið fjarri fornum slóðum, leitað um of í austurátt --- að dómi Siglfirðinga. Hér bíða stórvirkar bræðslur, rúmar tuttugu fullkomnar söltunarstöðvar og þaulvant síldarfólk, en víst er sumarið ekki úti enn og svartur getur sjórinn orðið við Kolbeinsey og Grímsey í júlí og ágústmánuði. Til þess að nýta hinar stórvirku síldarbræðslur hér og flýta fyrir affermingu síldarflotans, hefur hvort tveggja verið gert: Hin stærri síldveiðiskip sigla með afla sinn til Siglufjarðar og síldarflutningaskip taka afla úr hinum minni skipum fyrir austan og flytja hingað. Þannig mun Siglufjörður þrátt fyrir alt vera efstur á blaði hvað varðar bræðslumagn. Norska síldarflutningaskipið "Sigvald" tók niðri hér á sandrifi um kl. 2 á þriðjudag. Var það með rúmar 4.300 tunnur innanborðs, en slapp þó auðveldlega af eigin rammleik á flot á ný.          St. [Hver tunna er 135 kg.]