Hafðu samband:

Mjög falleg síld á Sigló

SIGLUFIRÐI, 4. ágúst. ­Saltað var hér i dag úr m.b.  Einari Hálfdáns, sem kom  með rúmar 1000 tunnur af  stórri og fallegri síld - sem  kalla mætti með sanni dem­antssíld. Úrgangur var úr þessum farmi var aðeins  hausar og innyfli síldarinnar. Ekkert úrkast, engin "sortering". Sýna meðfylgjandi  myndir söltunina í dag á söltunarstöðinni Nöf á Siglufirði.  Meðal þeirra mörgu sem  komu á söltunarstöðina til að  skoða hina ágætu síld og söltun hennar var ambassador Finna, frú T.Leivo-Larson, sem hér var í tilefni að Steingrímur Kristjánsson lyfsali, var skipaður í embætti ræðismanns Finna hér á staðnum. En Steingrímur lyfsali rekur Siglufjarðarapótek og er  Siglfirðingum að góðu kunnur, þrátt fyrir stutta veru á staðnum.  Á einni myndinni sést sendiherrann skoða síldina og rabba við eina síldarstúlkuna. Á annarri sést hvar síldarstúlkur hamast við að salta og á þeirri þriðju er síldarmatsmaðurinn Hannes Baldvinsson að meta síldina. -- Mjög falleg segir hann, lítil rauðáta í henni. Fólk er yfirleitt bjartsýnt á áframhaldandi síldveiði á nálægum slóðum, þrátt fyrir miður uppörvandi ummæli Jakobs fiskifræðings í útvarpinu um daginn og þó komið sé fram í ágúst. Síldin hefur áður verið upp á sitt besta í ágúst og fram í miðjan september.