>LEITARVÉLIN

FYRIR nokkru [19. apríl] var háð hér allnýstárleg skíðakeppni, - nokkurskonar firmakeppni, en frábrugðin venjulegri firmakeppni að því leiti að venjulega eru þaulvanir skíðagarpar, sem keppa og er þá dregið um hver á að keppa fyrir hvert firma. En nú lagði hvert firma sjálft til kappana, og varð viðkomandi keppandi að ver atarfsmaður fyrirtækisins.

Nokkrir keppendur bíða spenntir eftir að þeirra maður komi, til að geta þá skjótt tekið við

Úr þessu varð hörku spennandi boðganga 4x2 km., sem þátt tóku alls 13 sveitir frá 12

fyrir-tækjum. Í þessari göngukeppni var sett það

skilyrði að enginn af þeim sem kepptu á síðasta landsmóti mátti taka þátt í boðgöngunni. Og því var þarna all fjölbreyttur hópur, td. forstjóri Kjötbúðar Siglufjarðar Sigurður Þorsteinsson, Kaupfélagsstjórinn; Skarphéðinn Guðmundsson, múrarameistarinn; Baldur Ólafsson, rafvirkjameistarinn Sverrir Sveinsson, ofl. ofl., trésmiðir, verkamenn, rafvirkjar, múrarar, skrifstofumenn, verslunarmenn, símritarar, símvirki, vélstjórar, vélvirkjar, skipstjórar og hin þekkta hljómsveit "Gautar" 

Keppnin var öll hin fjörugasta og höfðu allir ánægju af, bæði keppendur og áhorfendur sem voru mjög margir, sennilega ekki langt frá  að um helmingur bæjarbúa hafi verið þarna samankominn í glampandi sólskini og logni.  Nægur snjór var og öll skilyrði hin ákjósanlegustu.

A-sveit Trésmóiðaverkstæðisins við Grundargötu 1, bar sigur úr bítum og kom það fáum á óvart, því Skúli Jónasson, trésmíðameistari, virðist ekki ráða til sín á verkstæði sitt aðra en skíðagarpa, en hann sendi út tvær sveitir fram á víglínuna og hefði getað sent fleiri, ef reglurnar hefðu ekki komið í veg fyrir það, en þórhallur Sveinsson.

 

Elsti þátttakandinn Erlendur Þórarinsson, rúmlega fimmtugur kemur að marki. Hann keppti fyrir Vatnsveituna og gekk á betri tíma en margir hinna yngri 10,46 mínútur. Þórhallur Þorláksson fyrir Hljómsveitina Gautar sést koma rétt á eftir Erlendi.