Norræn skíðaganga | Soðmjölsverksmiðja | Strákarnir sem týndust | Hafís fyrir norðan | Drengur í hættu | Bæjarskrifstofan | Stanslaus löndun | Síld á Sigló | Þjóðhátíð og síld | Síldina vantar | Illa gengur að dæla | Siglfirðingar gleðjast | Þar sem sólin neitar .. | Tunnuflutningar | Halla Haralds | Tvær fréttir

>>>>>>>>>>> Halla Haralds

Málverkasýning, húsmóður á Siglufirði.

Halla Haraldsdóttir við eitt verka sinna, sem nefnist "Síldarvinna"

SIGLUFIRÐI 15. nóvember. Í GÆR Og í dag var "Mosaik"  myndasýning í húsakynnum    Æskulýðsheimilis Siglufjarðar. Sýndar voru 26 myndir eftir frú Höllu Haraldsdóttur, húsfrú á Siglufirði.

Myndir þessar eru mjög sérkennilegar, vel gerðar og skemmtilegar.

Listakonan sagði mér að hún hefði einna mestan áhuga á að gera myndir úr atvinnulífinu, og þá auðvitað síldarvinnu, enda ber mikið á „síld" á sýningunni. Hún segist fyrst byrja á því að rissa grunnlínur myndanna á kartonpappír, síðan málar hún með sterkum vatnslitum á venjulegan brúnan límpappír, sem hún síðan rífur í smáagnir, eftir því sem við á. Og útkoman er að mínu viti undursamleg og fögur listaverk.

Það er erfitt að segja hvaða mynd er fallegust, því allar eru fallegar og jafnvel gerðar, en einna mestan „aðdráttarkraft" fannst mér mynd, er listakonan kallar „Indversk stúlka", svo og "Móðir og barn" hafa.

Aðspurð kvaðst listakonan hafa stundað nám í Handíðaskólanum á árunum 1951 og 1952, en þó kvaðst hún mest hafa lært á gagnrýni og leiðsögn listakonunnar Barböru Árnason, en Barbara hafi verið sér mjög hjálpleg, og þakkaði hún henni það sem komið væri.

Frú Halla Haraldsdóttir er ung kona, fædd á Siglufirði, og gift hinum kunna skíðakappa Hjálmari Stefánssyni, skrifstofustjóra, og eiga þau þrjá sonu, 2ja - 6 og 10 ára gamla. 

"Indversk stúlka"

Umtöluð sýning er sölusýning, og hafa margar myndir þegar selst. Þetta er önnur opinber sýning á myndum eftir Höllu, en sýndar voru myndir eftir hana á "Cafe Scandia" á Akureyri 1963. - S.K.