Hafðu samband:

Laugardagur 5. febrúar 1966. Ljósmyndir og texti: Mbl. & Steingrímur

STÓRTJÓN Í FÁRVIÐRI Á SIGLUFIRÐI

MYNDIRNAR hér á síðunni voru teknar af Steingrími Kristinssyni á Siglufirði eftir óveðrið á  dögunum en þær bárust blaðinu ekki fyrr en í gær vegna samgöngu- erfiðleika.

Í bréfi, sem Steingrímur sendi með myndunum, segir m.a.:  „Í stórviðrinu, sem gekk yfir allt Norðurland varð mikið tjón á mannvirkjum á Siglufirði. Er  lauslega áætlað, að það nemi 1-2 milljónum króna, en mest varð tjónið hjá  Síldarverksmiðjum ríkisins. Blikkplötur og hurðir  tættust af hinu stóra mjölhúsi SR-46,  stafn í verksmiðjuhúsi  SRP lét undan  veðurofsanum.og hallast inn á við, þakplötur

 fuku af sama húsi. Tveir þurrk- reykháfar fuku, af SRP og einn af SR-46. þá fuku þakplötur og hurðir af beinahúsi SRP og þakplötur og gluggar i heilu lagi af SRN.  Þá brotnuðu nokkur hundruð gluggarúður hjá  verksmiðjunum. þá varð einnig  nokkurt tjón á hafnarmannvirkjum  SR,  enda mikill sjógangur.   Annars staðar í bænum varð einnig mikið tjón, þakplötur og þakhlutar fuku af nokkrum  húsum, m.a. allar plötur af nýju húsi þannig að naglarnir einir voru eftir, naglahausarnir gáfu sig vegna verksmiðjugalla.

Verksmiðjuhús SRP. Norðurgafl hússins hefur gengið inn undan veðurofsanum og þakplötur fokið.

Gluggarúður brotnuðu í hundraðatali, útvarpsloftnet og rafmagnslínur slitnuðu. Þá sukku bátar í höfninni og á landi fuku bátar um koll í naustum sínum.

Mjög miklum snjó kyngdi niður fyrsta óveðursdaginn og þurftu margir að standa í  snjómokstri við hús sín.

Á bak við þessa skafla er Eyrarbúðin og Föndurbúðin

Hérna er Sparisjóður Siglufjarðar til húsa. Örin bendir á dyrnar, en grafa þurfti göng til að komast að þeim.