Hafðu samband:

Miðvikudagur 21. september 1966.

Ljósmyndir og pistill: Steingrímur

Skipbrotsmanna skýli reist á einum degi

Í LOK ágústmánaðar sl. lagði ms. Sigurður SI 90 út frá Siglufirði. Það var snemma morguns,  rétt í þann mund er fyrstu sólargeislarnir sjást austri.

    Skýlið fullklárað

 Ferðinni var heitið til Héðinsfjarðar, austan  Siglufjarðar, en Héðinsfjörður er einn af hinum mörgu eyðifjörðum, sem skerast inn í okkar hrjóstruga land. Áður voru þar blómlegar og vel ræktaðar jarðir og bóndabýi, en nú er  þar allt í eyði.

Oft kemui fyrir að sjómenn og fleiri hrekjast inn á þennan fjörð, undan veðrum og  sjóum, og sú var ástæðan að ms. Sigurður lagði í þessa för austur á Héðinsfjörð að þesu  sinni. Ekki var þó um neina sjóhrakninga að ræða, því veður var gott, heldur voru innanborðs 3 smiðir, 1 múrari, 1 málari. skrifstofustjóri, 2 síldar saltendur, sjómenn o. fl..  sem hugðust fara til sjálf-boðavinnu á vegum Siglufjarðar-deildar Slysavarnafélags Íslands  og átti að reisa 20 fermetra slysavarnakýli.

Veður var fagurt þennan dag, sólskin og hiti, og gekk verkið vel, enda ekki við öðru  að búast. því ekki aðeins að vera duglegir þá var stjórnandinn, ekki af verri endanum, en það  var Skúli Jónasson, byggingameistari sem stjórnaði verkinu.  

Þarna voru einnig mættir Jón Arndal, formaður Slysavarna-deildar karla, Siglufirði og  Þórður Þórðarson, formaður björgunardeildar, svo og fleiri meðlimir deildarinnar.

Áður en sól var gengin undir að fullu var skýlið fullreist og frágengið að öðru leyti en  eftir var að ganga frá smávegis innandyra og mála.

Þegar haldið var heim til Siglufjarðar seint um kvöldið voru það þreyttir en ánægðir  drengir sem yfirgáfu fjörðinn.

Vinnuflokkurinn fyrir framan skipbrotsmannaskýlið, talið frá vinstri. Ívar J Arndal, Jón Arndal,  skrifstofustjóri og formaður slysavarnadeildar karla, Siglufirði, Þórður Þórðarson, síldarsaltandi  og formaður björgunardeildar, Njörður Jóhannsson, múrari, Björn Sigurðsson, skipstjóri, Skúli  Jónasson, byggingarmeistari, Jónsteinn Jónsson, smiður, Birgir Guðlaugsson, smiður Gísli  Antonsson, sjómaður, Bjarni Þorgeirsson, málari, og Guðlaugur Henriksen, síldarsaltandi. Á  myndina vantar þrjá smiði. þá Einar Björnsson, Jón Björnsson og Sigurð Konráðsson, en Þeir  voru í útilegu þarna í firðinum með konum sínum og voru farnir til þeirra, áður en myndin var  tekin.