Hafðu samband:

Sunnudagur 2. október 1966 

Ljósmynd: Steingrímur, Viðtalið ókunnur blaðamaður Mbl.

Gaman að við skyldum þó koma út á réttum stað

Stutt rabb við Sigfús Thorarensen verkfræðing í Strákagöngum.

EINS OG skýrt var frá í Mbl. fyrir skömmu náðist hið langþráða takmark við Stráka, að  gangagerðarmennirnir komust í gegnum fjallið. Mun þá að mestu leyti borgið samgöngumálum  Siglfirðinga, a. m. k. þurfa þeir ekki um Siglufjarðarskarð að fara í náinni framtíð, en það er  eins og kunnugt er einhver örðugasti fjallvegur landsins. Af bessu tilefni náði Mbl. tali af Sigfúsi  Thorarensen, verkfræðingi, sem stjórnað hefur verkinu nærri frá byrjun. Við spurðum Sigfús,  hvort verkið hefði ekki oft verið hættulegt og hann svarar:

Heppnin hefur verið með okkur í sambandi við hrun í göngunum. Það hefur að vísu hrunið,  en aldrei orðið um nein slys að ræða. Hins vegar urðu hér tvö smávegis slys. Maður datt af  palli bifreiðar og annar lenti milli véla. Sá fyrri er búinn að ná sér, en hinn er á batavegi. Annars  vildi ég leiðrétta mis sögn í frétt frá um daginn, að skakkað hefði 6-8 metrum á útreikningum  verkfræðinga, göngin hefðu orðið lengri, en ætlað hefði verið. Þetta er ekki rétt, verkið stóðst  alla útreikninga.

Hvernig er umhorfs í göngunum meðan verið er að vinna?

Eftir sprengingarnar, meðan verið var að aka út úr göngunum því, sem losnar, er mikill púðurreykur aða dynamit reykur. Þá myndast og mikið ryk við sprengingarnar, en  blásarar hafa verið hafðir í gangi til þess að hreinsa loftið. Loftræstingin er látin ganga án afláts,  enda myndast slæmt loft vegna díselvélanna, sem vinna inni í göngunum. Þá myndast einnig  vatnsgufa um leið og borað er, en hún er ekki eins skaðleg og þær gufur, er ég nefndi áðan. Í  göngunum, þar sem hæst er upp á yfirborðið eru um það bil 200 metrar, eftir því sem við höfum  komist næst.

- Eru margir, sem unnið hafa við þetta verk allt frá byrjun?

- Tveir starfsmenn hafa unnið svo til nær allan tímann. Ef hins vegar miðað er við, að verkið  hafi hafist, er undirbúningur hófst fyrir sunnan, má segja, að enginn hafi unnið frá byrjun. Ég hef  unnið hér allan tímann nema fyrsta árið.

- Og nú er unnt að fara fótgangandi í gegn, er ekki svo?

- Jú, það má segja sem svo, en hins vegar er um 6-­7 metra þverhnípi við enda ganganna að  vestan .Göngin eru því nær eingöngu unnin Siglufjarðarmegin frá, að öðru leyti en því, að sprengt var úr  hlíðinni að vestan áður en við komumst í gegn. Hið skemmtilegasta við þetta er svo, að við  skyldum þó eftir allt koma út á réttum stað.

Hvenær verður svo vegurinn um göngin tilbúinn?

Mjög er erfitt að segja til um það að svo komnu máli. Mikið er eftir að sprengja við fjallshlíðina að vestan og svo á eftir  að steypa og hreinsa göngin.

Sigfús Thorarensen verk-fræðingur tv. ásamt Karli Samúelssyni verkstjóra. Myndin er tekin daginn sem flokkurinn komst í gegnum fjallið

Verða veggir ganganna steyptir?

Steypt verður þar sem hrunhætta er mest. Á tveimur stöðum verða settir upp  styrktarbogar, en við þá staði urðum við fyrir töluverðum töfum, þar eð bergið var dálítið  slæmt. Þar var þó unnt að komast af með styrktarboga og á nokkrum öðrum stöðum verður  að fóðra með steinsteypu.

- Ekki þarf að spyrja að, að hér er um mikla vegabót að ræða fyrir Siglfirðinga.

Það er mikil vegabót að göngunum. Hins vegar er enn eftir að lagfæra snjóþunga kafla við  Fljótin. Þar urðum við á síðastliðnum vetri fyrir töluverðum töfum, en þó verður að gæta þess,  að sá vetur var með snjóþyngstu vetrum síðan árið 1946. Áttum við í miklum erfið!eikum með  að komast út eftir, þrátt fyrir að við hefðum ýtu okkur til aðstoðar. Hefðu ekki verið menn við  göngin, sem við þurftum að ná til, hefðum við ekki reynt að brjótast í gegn.

Hvað er unnt að gera til að bæta úr í Fljótum?

Ég get nú ekki svarað því svona í skyndi. Í Fljótum er ákaflega snjóþungt. Skefur snjórinn  inn fjörðinn og sest þar til. Hins vegar er það miklu kostnaðarminna að ryðja þann kafla en  skarðið. Strákagöngin verða mönnum því hvöt til þess að halda kaflanum um Fljótin opnum,  sagði Sigfús að lokum.

ATHUGASEMD: