Æskulýðsstarf | Fjallabátar | Rauðka - soðstöð | Skarðsmótið ´63 | Fjallasýn | Fyrsta síldin | Refaveiði | Dýpkun - Björninn | Það var ekkert vont.. | Eldur í Sunnu | Frumstæð ufsaveiði | Myndir úr síldinni | Landladga á Sigló | Tilraunafloti | Útfluttningur | 200 ára afmæli | Flugslys | Raufarhafnarsíld | Sundmót | Vetrarolimpiuleikar | Fimm valdir | Snjóflóð á Sigló | Óboðinn jólagestur

>>>>>>>>>>> Vetrarolimpiuleikar

5 þátttakendur í vetrar-OL í Innsbruck?

Sennilegt að það verði 3 svigmenn og 2 í göngu.

ÞAÐ LIGGUR í loftinu að það fari 5 íslenskir skíðamenn á Vetrar Ólympíuleikana í Innsbruck í Austurríki sem hefjast 29. janúar n.k. Það er einnig  rætt manna á meðal að fyrir valinu veði 3 svigmenn og 2 göngumenn. Þetta sagði Stefán Kristjánsson, varaformaður SKÍ í símtali við blaðið í gær, en Stefán tók það fram, að Ólympíunefndin ætti eftir að ákveða fjölda þátttakenda og fyrr en sú ákvörðun lægi fyrir, væri ekkert hægt að segja með vissu.

ÓBLÍÐ VEÐRÁTTA 

       Stefán sagði Mbl. einnig að það hefði ætíð verið von Skíðasambandsins að geta sent væntanlega þátttakendur utan um áramótin svo þeir fengju einn mánuð til æfinga við þær aðstæður sem keppt verður við. En það er heldur svart útlit fyrir að sá draumur rætist vegna fjárskorts.

Siglfirðingarnir, Birgir Guðlaugsson og Þórhallur Sveinsson, eftir spennandi keppni.

TVÖ ÞJÁLFUNARNÁMSKEIÐ

SKÍ hefur nú efnt til tveggja þjálfunarnámskeiða. Hið fyrra var í ágúst í Kerlingafjöllum og tókst skínandi vel. Hið síðara var á Siglufirði og hófst 5. nóv. s.l. en lauk með móti 12. nóv. Tókst það einnig vel, nægur snjór og bæði  þátttakendur, sem voru 10 talsins, og kennarar, þeir Baldur Ólafsson í göngu og Hjálmar Stefánsson í alpagreinum voru hinir ánægðustu með árangurinn.

Hér eru nokkrir þeirra sem hafa sótt námskeiðið. Frá vinstri: Samúel Gústafsson, Árni Sigurðsson, Jóhann Vilbergsson, Kristinn Benediktsson, Hafsteinn Sigurðsson og þjálfarinn Hjálmar Stefánsson.