Saltað í flestum bæjum norðanlands og austan

Reglulegur síldarbragur að komast á staðina.

HELDUR er að lifna yfir síldarsöltun á söltunarstöðunum, Norðanlands og austan og undanfarna daga hefur verið saltað í allflestum bæjunum.

Á Siglufirði var verið að salta í gær á einu plani, en nokkuð stöðug söltun hefur verið þar undanfarna daga, að sögn fréttaritarans. Sagði hann að Siglfirðingar hefðu nú fengið smábragð af gamla tímanum Hluti aflans, sem skipin kæmu með, væri yfirleitt ísvarinn, og færi hann í söltun, en afgangurinn í bræðslu. Lyfti þetta mikið undir atvinnulífið í bænum.

Mbl. Myndin er frá söltun á Siglufirði. Ljósmynd: Steingrímur. (Mikil þoka var á þessum tíma).