Bíó auglýsingar | Grein um bíórekstur | Nýja Bíó,útib.Ólafsfirði | Frumvarp um bíórekstur | Bíómynda fréttir | Kuldi í Nýja Bíó | Nýtt kvikmyndahús | Siglufjarðarbíó | Kvikmyndakynning | Börnin og bíó | Kvöld í bíó ! | Bæjarpósturinn og bíó | Bíó umfjöllun | Til skammar | Bæjarpósturinn | Kjartan Ó Bjarnason | Björgunarafrekið | Slæm umsögn | M.Í.R. ofl. | Nýja Bíó lagfært | MÍR og bíó | Bíó-fréttir

>>>>>>>>>>> Kvikmyndakynning

Bíó-Saga Siglufjarðar: Kvikmyndakynning

Úr Vikublaðinu

1944-1945

Mjölnir 15. nóvember 1944

Pétur mikli.

Siglufjarðarbíó sýnir nú hina  heimsfrægu rússnesku mynd  um Pétur mikla, Rússakeisara.  Myndin ber hið sama einkenni  og flestar aðrar rússneskar  myndir, raunveruleikablæ og  hnitmiðaða túlkun á efninu. 

Mannfólkið er ekki sýnt sem  neinar yfirnáttúrulegar verur,  heldur sem venjulegt fólk. Pétur mikli er ekki sýndur sem  nein æðri vera, heldur sem mikilúðlegur persónuleiki. Aðal áhugamál hans var, að hefja  Rússland á hærra menningarstig, flytja inn vestræna tækni,  kenna þjóðinni að tileinka sér  það besta í verklegri menningu,  sem þá þekktist.

Fór hann þá  oft lítt í manngreinarálit, heldur leit á hæfileikana. Sýnir  myndin ágætlega persónuleika  og starf þessa manns. Hefur  hún hvarvetna vakið mikla athygli.

Mjölnir 10. janúar 1945

Tvær afbragðs  kvikmyndir.

Siglufjarðarbíó er nú að sýna  tvær myndir, sem flestum kemur saman um að séu afbragðsgóðar. Heita þær "Hetjur á  heljarslóð" og "Kóngsgata". Sú  fyrrnefnda lýsir atburðum í  litlu þorpi í Rússlandi, þegar  Þjóðverjar réðust á landið 1941.  Atburðirnir í þessu litla þorpi  eru táknræn mynd af því, sem  þá gerðist um allt vestanvert  landið þegar friðurinn var rofinn og ógnirnar dundu yfir.  Mynd þessi er tekin í Ameríku  ,og leikin af amerískum leikurum, en er þó sönn og hrífandi.

Hin myndin, "Kóngsarnar",  er með allt öðrum blæ. Hún er  tekin eftir frægri skáldsögu og  lýsir mannlegum tilfinningum í  sorg og gleði. Hún fjallar um  alvörumál, sem engan láta ósnortin. Myndin er ágætlega  leikin og tekin.

 Þessar myndir verða sýndar  nú á fimmtudagskvöld og föstudagskvöld og ættu þeir, sem sjá  .vilja góðar myndir, ekki að  sleppa þessum tækifærum.