Bíó auglýsingar | Grein um bíórekstur | Nýja Bíó,útib.Ólafsfirði | Frumvarp um bíórekstur | Bíómynda fréttir | Kuldi í Nýja Bíó | Nýtt kvikmyndahús | Siglufjarðarbíó | Kvikmyndakynning | Börnin og bíó | Kvöld í bíó ! | Bæjarpósturinn og bíó | Bíó umfjöllun | Til skammar | Bæjarpósturinn | Kjartan Ó Bjarnason | Björgunarafrekið | Slæm umsögn | M.Í.R. ofl. | Nýja Bíó lagfært | MÍR og bíó | Bíó-fréttir

>>>>>>>>>>> M.Í.R. ofl.

Bíó-Saga Siglufjarðar: M.Í.R. ofl

Úr Vikublaðinu

1950-1953

Mjölnir 6. júlí 1949

ÚR BÆNUM

Siglufjarðarbíó (Alþýðuhús)  - hefur nú aftur byrjað kvikmyndasýningar. Ættu meðlimir  verkalýðsfélaganna að sækja vel  sýningar þess.

Mjölnir 1. nóvember 1950

FRÉTT

Ágætar kvikmyndir. - Fyrir nokkru fékk M.Í.R. þrjár  kvikmyndir, rússneskar, Heita  þær: Æskan á þingi,  - Orrustan  um Stalingrad 1. hluti og Varvara Vasiljevska.

Myndir þessar hafa verið sýndar í Siglufjarðarbíó. Æskan á þingi er  mynd frá Alþjóðaæskulýðsmótinu í Budapest. Orrustan um  Stalingrad er geysilega, mikil  mynd. Er hún bæði leikin og  tekin á meðan á orrustunni stóð.  (Fellt inn í myndina kaflar úr  myndum, sem fréttaritarar og  ljósmyndarar beggja herja tóku  meðan á bardögum stóð, en  fundust svo síðar), Vonandi  tekst að fá síðari hluta þessarar myndar seinna.

Varvara Vasilevna er mynd frá Síberíu. Gerist hún fyrir  og eftir byltinguna, og sýnir  glöggt þann reginmun, sem orðinn er á lifi fólksins á þessum  slóðum. Þetta er ein af betri  rússneskum myndum sem hér  hafa verið sýndar.

Siglufjarðarbíó hefur sýnt  bráðskemmtilega sænska mynd  sem heitir Gestir í Miklagarði. Úr því að ég er að tala um  kvikmyndir vil ég fyrir mína  hönd og fjölda annarra koma  .þeirri ósk á framfæri, að annað  hvort kvikmyndahúsanna hér  reyni að fá hingað hina frægu  mynd Rossilinis; Óvarin borg.  Þetta er mynd sem farið hefur  sigurför um meginland Evrópu,  og við hér norður við íshaf  ættum það sannarlega skilið að  fá að sjá þessa mynd. 

Mjölnir 24. janúar 1951

Auglýsing

Frá félaginu MÍR

    Siglfirðingar!  Í kvöld, miðvikudaginn. 24.  janúar sýnir Nýja-Bíó afbragðs góða mynd, sem  fjallar um þætti úr lífi og  stafi Leníns, hins mikilhæfa leiðtoga Ráðstjórnarlýðveldanna. Myndin er  sýnd í tilefni þess, að hinn  21. janúar s.l. voru liðin 27  ár frá dánardegi hans.

Þessa, mynd ættu sem  flestir að sjá.

Mjölnir 25. júlí 1951

Bæjarpósturinn

Góð kvikmynd. Nýlega var  sýnd hér kvikmyndin Samsæri  hinna fordæmdu. Er þetta rússnesk mynd, sem á að gerast í  einhverju landi á mörkum hins  sósíalistiska og hins kapitalistiska heims. Fólkið í þessu  landi gerir upp við "hina fordæmdu" agenta marshalleymdarinnar og tekur völdin í eigin  hendur og tengir landið lífrænum böndum við hinn sósíalistiska heim.

Mynd þessa þarf að  sýna aftur og verða séð af sem  flestum.

Þá er hér enn ítrekuð óskin  um að fá “Reiðhjólaþjófinn”  hingað. Það er mynd, sem  áreiðanlega boraar sig að sýna.

Mjölnir 7. nóvember 1951

Bæjarpósturinn

Kvikmyndasýningarnar á  vegum MÍR.

Eins og flestir  hafa veitt athygli, hafa oft á  föstudögum verið sýndar í Nýja  Bíó, rússneskar eða Austurþýskar myndir.

Hefur aðsókn  að myndum þessum oftast verið  heldur lítil, þótt oftast hafi  verið um afbragðsgóðar myndir  að ræða. Ég held, að skortur á  auglýsingum um myndir þessar  sé aðalorsökin í því, hve lítil  aðsókn hefur oft verið, því  sannast að segja, er alvarlega  hugsandi fólk hætt að fylgjast  með því, sem .bíóin hafa upp á  að bjóða.

Amerískar kvikmyndir eru  fallnar í metum þjá vandlátu  fólki, og takist bíóunum að ná  í verulegar góðar myndir, þá er  eins og þær fari fram hjá  fólki, aðsóknin verður lítil.

Hinsvegar er stór hluti bíógesta sem er orðinn samdauna hinni  hollívúddisku ómenningu, og  hefur aðeins nautn af að horfa  á þeysandi og skjótandi bófa og  villtwestkar hetjur eða æsandi  og hrellandi morð- og sakamála  myndir.

Fagrar og yndislegar  söng- og músíkmyndir eða sögulegar og fræðandi myndir eiga  ekki hylli þessa fólks.

Ég var að tala um myndirnar á vegum MÍR. Mest af þeim  eru skemmtilegar og fræðandi  myndir byggðar á sögulegum  efnum, flestar eru þær með ein  kennum hins nýja sósíalistiska  heims, þar sem maðurinn og  manngildið er sett ofar öllu, Í  þeim er ekki hægt að læra aðferðir við morð og rán, svik og  spillingu, heldur þvert á móti  varðveislu lífs og eigna, heiðarleika og góðvild.

En það er eitt,  sem skortir á frá hendi þeirra,  sem sýna. Það vantar með  flestum eða öllum myndunum  efnisskrá eða "program". Þótt  enskur texti fylgi eða enskur.  þulur skýri efnið, þá eru fáir  það vel að sér í enskri tungu, að þeir hafi not af þessu til  fulls. Það er því tvennt, sem  stjórnendur MÍR, þurfa að athuga rækilega í sambandi við  sýningar þessar- og það er að  auglýsa myndirnar betur, og að  reyna að útvega eða sjá um, að  "program" sé fyrirliggjandi við  hverja sýningu.

Félagar í MÍR  ættu svo framvegis að athuga  vel á föstudögum hvaða mynd  er sýnd í Nýja Bíó þá um  kvöldið og fjölmenna, ef MÍR  sýnir. Það er eiginlega sjálfsögð og félagsleg skylda auk,  ánægjunnar af að sjá góða  mynd.

Mjölnir 13.maí 1953  (auglýsing)

MÍR   SÝNING   MÍR

Menningartengsl Íslands og Ráðstjórnarríkjanna efnir til sýningar til fræðslu og skemmtunar fimmtudag og föstudag n.k. í Suðurgötu 10. - Það sem er sýnt, er:

1. Ljósmyndasýning um heilbrigðismál í Ráð-stjórnarríkjunum. Íslenskur  skýringartexti  með hverri mynd.

2. Ljósmynda- og kvikmyndasýning um vísinda-manninn Ivan Pavlov,  líf hans og starf.

3. Bækur, tímarit, 1jósmyndir af málverkum rússneskra listamanna. 

4. Stórvirkri í þágu friðarins - skýringamyndir um ræktun og vatna  virkjanir. - Kvikmynd frá friðarmóti heimsæskunnar í Berlín 1951.

Sýningin verður opin á fimmtudag frá kl. 3--7 og kl. 9 um kvöldið  sýnd Kvikmyndin Við viljum frið frá Berlínarmótinu.

Á föstudag verður opið frá kl. 4-9 og um kvöldið sýnd kvikmyndin  Ivan Pavlov - líf hans og starf.

Öllum er heimill aðgangur.  Aðgöngumiðar við innganginn. 

                                                  MÍR - Signufirði.