Bíó auglýsingar | Grein um bíórekstur | Nýja Bíó,útib.Ólafsfirði | Frumvarp um bíórekstur | Bíómynda fréttir | Kuldi í Nýja Bíó | Nýtt kvikmyndahús | Siglufjarðarbíó | Kvikmyndakynning | Börnin og bíó | Kvöld í bíó ! | Bæjarpósturinn og bíó | Bíó umfjöllun | Til skammar | Bæjarpósturinn | Kjartan Ó Bjarnason | Björgunarafrekið | Slæm umsögn | M.Í.R. ofl. | Nýja Bíó lagfært | MÍR og bíó | Bíó-fréttir

>>>>>>>>>>> Bíó umfjöllun

Bíó-Saga Siglufjarðar: Bíó umfjöllun

Úr Vikublaðinu

1949

KVIKMYNDIR  (umfjöllun)

Nýja-Bíó: "Carnegie Hall" ­

Um næstu helgi sýnir Nýja-Bíó  hina heimsfrægu kvikmynd  "Carnegie Hall" Er þetta mesta  músíkmynd, sem gerð hefur verið, og hlotið fádæma vinsældir  og aðdáun allsstaðar, þar sem  hún hefur verið sýnd.

Í myndinni eru leikin mörg  hinna klassísku tónverka og  heimsfrægir hljómlistarmenn  koma þar fram, td. Leopold  Stokowski, Rubinstein, Jascha  Heifetz og Harry James.

Saga sú, sem myndin er gerð  eftir, fer að mestu leyti fram  innan veggja hinnar miklu tónlistarhallar "Carnegie Hall."  Er það hvorttveggja ástarsaga  og raunarsaga tónlistarmanna,  sem endar þó mjög glæsilega  fyrir hinn yngri Tony Talerus  (WilliamPrince) og móður hans  Noru Ryen (Marsha Hunt) sem  sér nú langþráðan draum rætast. -

Mynd þessi verður eflaust fjölsótt hér og vinsæl eins  og annarstaðar, þar sem hún  hefur verið sýnd.

Siglufjarðar-bíó: "PÉTUR  MIKLI" -

Nú á næstunni, mun  Siglufjarðarbíó sýna hina frægu  og umdeildu mynd, "Pétur  mikli." Er þetta rússnesk kvikmynd, gerð um æfi hins fræga  keisara, Péturs, sem lét reisa  Pétursborg, nú Leningrad.

Mynd þessi er talin vera frábært listaverk, bæði hvað merkir leik og tækni.

Ættu Siglfirðingar ekki að  láta undir, höfuð leggjast að sjá  þessa mynd.

Mjölnir 16. mars 1949

Kvikmyndir  (umfjöllun)

Nýja Bíó: Söngur frelsisins  Ensk kvikmynd með hinn heims  fræga söngvara, Paul Robertson  í aðalhlutverkinu.

Kvikmyndin er gerð eftir  sögu sem hefst kringum 1700 á  eynni Casanga, skammt undan  vesturströnd Afríku.

Segir hún frá flótta drottningarniðja eins, sem ekki gat  þolað harðýðgi móður sinnar.

Lenti hann síðan í höndum  þrælasala..

Afkomendur hans höfðu um  tvær aldir verið í Englandi,  fyrst sem þrælar en síðan frjálsir en fátækir verkamenn.

Myndin sýnir John Zinga,  hafnarverkamann, einn af niðjunum.

Hann er fátækur, en hefur  dásamlega söngrödd.

Myndin sýnir hvernig rödd  hans verður til þess að vekja athygli á honum, gera hann frægan.

En þráin til átthaganna í Casanga; þráin til frelsisins knýr  hann til að afneita glæsilegu  tilboði, en í þess stað að fara til  eyjarinnar og kynnast lífskjörum ættstofns síns

Söguefnið snertir frelsisbaráttu svertingjans - og Paul  Robertson syngur söng frelsisins inn í hversmans eyra.