"Ýmislegt"
Þróttur kaus s. l. vetur Gunnar Jóhannsson í stjórn Vinnu-miðlunarskrifstofunnar en nú hefir stjórnarráðið neitað að viðurkenna kosningu Gunnars og borið við að Þróttur hefði ekki rétt til að kjósa mann í stjórnina, þar sem hann væri ekki í Alþýðusambandi Íslands.
Þessi neitun stjórnarráðsins er hreint ofbeldi, því það er hvorttveggja, að Þróttur var í Alþýðusambandinu þegar kosið var og fulltrúa fyrir Siglfirskra verkamenn getur engin kosið hér nema Þróttur.
Nú hefir atvinnunálaráðherra skipað Gunnlaug Hjálmarsson í stjórn Vinnumiðlunarskrifstofnunar, en eins og vonlegt er þykir Gunnlaugi slæmt að sitja þar sem fulltrúi verkamanna í trássi við samtök verkamanna. Þrótt - og hefur Gunnlaugur látið í ljósi að skipunin sé sér nauðug.
Vonandi leysist þetta leiðindamál á viðunandi hátt, því Gunnlaugur er í Þrótti og ber því að ráða fram úr því í samráði við félag sitt mikið frekar en eftir skipunum Ólafs Thors.
Nokkur norsk fiskiskip hafa komið hér inn til að kaupa kol, en kol til skipa hafa ekki fengist hér.
Þó liggja Ríkisverksmiðjurnar með ca. 2.000 tonnum meiri kol en ætla má að þær noti í sumar. Við sjálft lá því að skipin þyrftu að fara til Akureyrar eða Seyðisfjarðar til að kaupa kol.
Hefði áframhald orðið á þessu, hlytu siglingar að minnka til Siglufjarðar og þar með tapaði höfnin hafnargjöldum og vatnssölu, auk þess sem verslun við þessi skip tapaðist.
Norski konsúllinn, sem einnig er bæjarlulltrúi, er formaður í stjórn Ríkisverksmiðjanna, en hann gat ekkert gert i málinu.
Nú hefur Rauðkustjórnin tekið að sér kolasölu til skipa fyrst um sinn, svo ekkert skip þarf að koma erindisleysu hingað i kolaleit. |
