Tunnuverksmiðja
ríkisins á Siglufirði brennur og slökkviliðsmenn beita slöngum sínum á
eldinn. Myndina tók Steingrímur Kristinsson ljósmyndari blaðsins á
Siglufirði. Sjá fleiri myndir á bls.24
Í
GÆR brann Tunnuverksmiðja ríkisins á Siglufirði til kaldra kola.
Kviknaði í timburgólfi meðfram skorsteini og var eldur lengi falinn í
timburstafla, áður en hann blossaði upp. Barðist slökkviliðið á
Siglufirði í alla fyrrinótt og í gærdag við eldinn, lengi með
súrefnisgrímur vegna reyks, en undir kvöld var búið að mestu nema
hvað glóð var enn í timbrinu. Var þá allt brunnið sem brunnið gat
í verksmiðjunni.
Gífurlegt tjón hefur orðið
í bruna þessum. Giskaði Einar Haukur Ásgrímsson, tæknilegur
framkvæmdastjóri verksmiðjunnar, á það í símtali við blaðið í
gær, að að tjón væri um 13 miljónir króna. Þó var það lán í
óláni að skip með 400 standara af tunnuefni til verksmiðjunnar , er á
leiðinni og rétt ókomið til Siglufjarðar.
Haukur sagði, að miklir
erfiðleikar yrðu líka af því að 40 menn sem unnið hafa í
tunnuverksmiðjunni missa nú vinnuna, því lítil atvinna er á Siglufirði nú
í vetur. Aftur á móti hefur bruninn ekki áhrif á síldarsöltun, því
hægt væri að fá tunnur frá Noregi.
Húsið sem brann var 2000
ferm. að flatarmáli, 8-10 m. hátt hús, byggt um 1950. -- Á landinu
eru tvær verksmiðjur, á Siglufirði og Akureyri og framleiðsla
þeirra 70-80 þú. tunnur á ári, hvorrar um sig.
ELDUR
Í TIMBURHLAÐA VIÐ SKORSTEININN
FRÉTTAMENN blaðsins
á Siglufirði símuðu eftirfarandi frásögn af brunanum, upptökum hans
og baráttu slökkviliðsins við eldinn:
Um klukkan hálf
tíu á miðvikudagskvöld var slökkviliðið kvatt út vegna elds í
Tunnuverksmiðjunni. Sá eldur var í vélahúsi verksmiðjunnar, nánar til
tekið við skorstein í húsinu. Skorsteinn þessi, sem er við ketil þar sem
brennt er spónum og öðru, er hlaðinn úr múrsteini, múrhúðaður, og að auki
er hann einangraður með vikurplötum. Talið
er að kviknað hafi í út frá skorsteini þessum.
Eldurinn var umhverfis
skorsteininn, en og þar var ekkert úrgangsefna, aðeins timbur á milli
lofta, en Tunnuverksmiðjan er tvílyft, byggð inni í stóru
járngrindarhúsi. Slökkviliðinu tókst að ráða niðurlögum eldsins
við skorsteininn. Er enginn reykur var sjáanlegur lengur, hélt
slökkviliðið af staðnum, en sex menn voru skildir eftir á brunavakt,
og voru þeir á stöðugu varðbergi.
Á milli
verksmiðjunnar sjálfrar og lagersins er 15 cm. þykkur vikurveggur,
múrhúðaður beggja megin. Við þann vegg er umræddur skorsteinn, að innanverðu
í verksmiðjunni, en hinum megin veggjar var mikill timburstafli af
tunnubotnaefni. Þar á milli efnisstaflans og veggsins, er talið að eldurinn
hafi blossað upp í annað sinn.
ELDURINN BLOSSAÐI UPP AFTUR
Um klukkan tvö í nótt, fimm
mínútum áður en eldsins varð vart, gengju menn fram hjá þessum
timburstafla og urðu einskis varir, hvorki elds né reyks. Á sama
augnabliki og elds varð vart, hringdi Stefán Friðriksson
lögregluþjónn til vaktmannanna í verksmiðjunni til að spyrja
frétta. Fyrir svörum varð Björn Hafliðason brunavörður, og hvað
hann ekkert vera að frétta, allt í stakasta lagi
[síminn var staðsettur inni í verksmiðjunni; athugasemd. S.K. nú árið
2001]
En áður en samtali þeirra
Stefáns og Björns lauk var hrópað að eldur væri laus. Spratt eldurinn þá
upp á augabragði, en vaktmönnum tókst að bæla mesta eldinn..
Framhald
á næstu síðu...........
Athugasemd mín (S.K.) árið
2001"Standari" ; "Petrograd-Standard" (timbur) er sama og 165 cubic fet sem
er það sama og 4,672 m³. (Heimild: Fjölvís vasabók 2001). 400 standara af
tunnuefni er því sama og 1868 rúmmetrar" | 
Fimmtudagur 10
janúar:
(forsíðan). Ljósmynd:
Steingrímur. Textinn Mbl.
