|
Borgarísjaki út af
Siglufirði
Mikil og tignarleg sjón
FRÉTTARITARI
blaðsins á Siglufirði, Steingrímur Kristinsson fór á m.b.
Hjalta út að borgarísjaka, sem var 7-8 sjómílur frá landi,
og tók meðfylgjandi mynd af honum. -
Það var mikil og tignarleg sjón
að sjá þetta ferlíki gnæfa 20-40 metra hátt yfir sjávarmál
og 100-150 m. á breidd, þar sem jakinn er breiðastur, segir
Stein.grímur. Og þó er þetta sennilega aðeins 1/9 hlutinn af
jakanum, hitt mun vera neðansjávar.
Hann segir svo frá ferðinni:
S.l. laugardag sá ég fyrsta
borgarísjakann á minni 30 ára ævi, en þá var jakinn eins og
smádepill úti við sjóndeildarhringinn. Á mánudag var sami jaki staddur út af Siglufirði, ásamt öðrum minni 1 2 sjómílur utar.
Hafði sá stóri á sunnudag verið á hraðri ferð austur með landinu, þrátt fyrir austan kalda og sjó, en á mánudag var farið að hvessa meira og jakinn snú inn við og hélt í vestur undan veðrinu, ásamt minni jakanum. Sást vel til jakans bæði á sunnudag og mánudag frá Siglufjarðarkaupstað. Bar hann yfir Siglunesið eins og stór snjóhvít eyja, glæsileg að sjá. Utan af ströndinni sást hann betur og var mikil umferð um veginn út eftir. Bílar fóru með fólk með sjónauka, sem vildi virða þessa tignarlegu og sjaldgæfu sjón fyrir sér. Og nú fór ljósmyndari okkar af stað.
Hann leigði sér mótorbátinn Hjalta SI
12. Með hann eru svokallaðir Kambsbræður, Grímur og Gunnar
Helgasynir, sem fyrr hafa dugað okkur vel, lentu t.d. í sögulegu
ferðalagi á sínum tíma í hvassviðri við að koma til okkar
myndum af tunnuverksmiðjubrunanum.
Steingrímur ljósmyndari tók
sem sagt sjóveikitöflu og lagði í hann.
En 7--8 vindstig voru,
talsverður sjór og þar á ofan kröpp vindbára, og rak veðrið
alla undir þiljur, áður en 20
mínútur
voru liðnar,- og ekki var liðin klukkustund, þegar Ægi
var fórnað gómsætum signum fiski ásamt nýjum kartöflum. -
Eftir hálfs annars tíma siglingu í bansettum hamagangi, höggum og veltingi,
miður þægilegum fyrir höfuð, maga og hnjáliði, sló vélstjórinn
á Hjalta; Gunnar Helgason, af og andaæfði, segir Steingrímur.
Mikið var um smáísrek,
jakar höfðu brotnað úr borgarísnum og þurfti að vara sig á þeim.
Ekki var hægt að "stíga á land", bæði vegna sjógangs
og brattra hliða jakans. Taldi Grímur Helgason, skipstjóri ekki ráðlegt
að fara mjög nærri, því ekki er gott að átta sig á hvort
brotið í kring um jakann stafaði af sogi, sem myndast af
grynningum jakans, t.d. ef sá hluti jakans sem er neðansjávar,
skagar mikið út undan.
En árangur ferðarinnar. sést á meðfylgjandi
mynd, sem Steingrímur tók af jakanum.
Myndin er tekin 14.september 1964
| 
Fimmtudagur 17. september.
Ljósmynd: Steingrímur, Texti: S.K. + Mbl.