Snjóþungi á Sigló | Tunnuverksmiðjubruni | Eldur í tunnuverksmiðju | Ferðasaga myndanna | Fréttaskýring | Erlingur Jónson | Tunuverksm.viðtöl | Þrjár fréttir frá Sigló | Áramótin 63/64 | Brotin rúða | Siglufjarðarskarð fært | Skotkeppni | Verkefnasýning | Skemmtileg skíðakeppni | Skarðsmótið 1964 | Göngukeppni | Draugur strandar | Nornen sækir Draug | Sjávarborg | Fyrsta síldarsöltunin | Sigvald tók niðri | Siglfirðingur SI 150 | Ufsinn í hættu | Falleg Síld á Sigló | Svipmyndir - Sigluf. | Lauginni lokað | Í snjó í Siglufjarðarskarði | Síld í september | Þrjár fréttir | Borgarísjaki | Fjórar fréttir

>>>>>>>>>>> Þrjár fréttir

Í septembermánuði, "3 fréttir" Ljósmynd: Steingrímur, textar: S.K., Stefán og b.l.m. Morgunblaðsins.

Síldarfólk fer frá Siglufirði austur á firði.

Siglufirði, 5. sept.

EITT SKIP landaði hér í gærkvöldi hjá SR 120 málum og  vantaði þá einn dag upp á að  tveir mánuðir væru liðnir, frá  því að seinasta skip landaði hjá  SR á Siglufirði. Þá landaði Sigurvon RE, en nú landaði Húni  frá Skagaströnd. Þessi 120 mál  voru afgangur úr söltun frá Óskari Halldórssyni hér á Siglufirði.

Von er á flutningaskipi í kvöld  að austan, en síðasta flutningaskip landaði hér 13. ágúst sl. Skipið kemur sennilega með um  4000 mál.

Á Reyðarfirði og Seyðisfirði  vantar nú í verksmiðjurnar 28  menn. Stafar það af því, að skóla  fólk, er að fara til náms. Héðan  fóru í morgun 15-18 manns austur til þess að hjálpa til og afganginn á að fá frá Skagaströnd  og Skagafirði. Fólkið verður komið austur í kvöld.

Þoka er hér niður í byggð, en  gott og milt veður, 10--12 stiga  hiti. - Stgr. Kr.

Senda sjónvarp  niður til síldarinnar 

m.s.Siglfirðingur SI 150 gerir tilraunir við veiðar. 

SIGLUFIRÐI, 15. sept - Siglfirðingur kom til Siglufjarðar í  gærmorgun með 1200 tunnur af skínandi fallegri síld, sem verður  söltuð. Hélst síldin fersk og góð,þar sem kælikerfið var sett í  gang. Axel Schiöth, stýrimaður,  skýrði frá því að Siglfirðingur  færi nú út með nýja gerð af flottrolli. Er sjónvarp sent niður  með trollinu og Því hægt að fylgjast með hvernig veiðin gengur stig af stigi. Axel sagði að nóg síld væri á  miðunum fyrir austan og Siglfirðingur yrði á veiðum fram á  haust, ef veður hamlaði ekki.

Þá kom Sigurður SI  90 til Siglufjarðar með 600 tunnur. Flutningaskipið Karalina kom til  Siglufjarðar með 4000 mál síldar,  en vegna kviku var ekki hægt  að losa hana, og liggur hún og  bíður við hafnargarðinn

Þessa, fallegu mynd tók fréttaritari Morgunblaðsins á Siglufirði.  Er myndin af efri hluta fjallanna, sem mynda Siglufjörð, en á  haustin er oft þoka innanfjarðar á Norðurlandi og er hún stundum  eins og þunn slæða, þannig að þokulaust er á láglendi, þoka í  hlíðunum en glampandi sólskin á fjalltoppunum.

Myndin er tekin  þann 12. september."64