Snjóþungi á Sigló | Tunnuverksmiðjubruni | Eldur í tunnuverksmiðju | Ferðasaga myndanna | Fréttaskýring | Erlingur Jónson | Tunuverksm.viðtöl | Þrjár fréttir frá Sigló | Áramótin 63/64 | Brotin rúða | Siglufjarðarskarð fært | Skotkeppni | Verkefnasýning | Skemmtileg skíðakeppni | Skarðsmótið 1964 | Göngukeppni | Draugur strandar | Nornen sækir Draug | Sjávarborg | Fyrsta síldarsöltunin | Sigvald tók niðri | Siglfirðingur SI 150 | Ufsinn í hættu | Falleg Síld á Sigló | Svipmyndir - Sigluf. | Lauginni lokað | Í snjó í Siglufjarðarskarði | Síld í september | Þrjár fréttir | Borgarísjaki | Fjórar fréttir

>>>>>>>>>>> Þrjár fréttir frá Sigló

Kviknaði í dreng á Siglufirði

er hann kveikti í saltpéturs og sykurblöndu

FRÉTTARITARI Morgunblaðsins símaði til blaðsins í gærmorgun og sagði frá því, að 3 strákar, 10-12 ára að aldri hefðu verið að grúska í rústum tunnuverksmiðjunnar, og fundið þar saltpétur og sykur, eins og notað er við síldarsöltun.

Einn drengurinn fór með slatta heim til sín og þurrkaði draslið.  Setti hann síðan kaffibolla af þessum saman við tvo hnefa af saltpétri, fór með þessa blöndu út á pappaspjald og breiddi segldúk yfir og bar eld að.

 Afleiðingarnar: Það kviknaði snarlega í þessu með miklum látum og læsti þetta sig í föt drengsins, brann gat á peysu hans - og buxur hans brunnu til kaldra kola, en það bjargaði líkama drengsins, að hann var klæddur í svellþykkar "föðurlands" prjónabuxur úr íslenskri ull innanundir.

Fréttaritarinn átti viðtal við drengina síðar og sagðist einn 12 ára hafa lært það af fullorðnum mönnum í síldarsöltun að hægt væri að fá mikinn blossa og jafnvel sprengingu, ef kveikt væri í blöndu af þessu tvennu og má af þessu sjá að það læra börn af því sem fyrir þeim er haft.

Því má bæta bið sagði fréttaritarinn, að Morgunblaðið með myndum af bruna Tunnuverksmiðjunnar, seldist upp á korteri, þegar það kom þangað á sunnudag.

Magnús Eggertsson rannsóknarlögreglumaður úr Reykjavík, kom til Siglufjarðar í fyrradag og hefur rannsakað brunarústirnar ásamt Einari Ingimundarsyni. Réttarhöld hefjast í dag.  --- Steingrímur.

Skíðakofi fauk á háspennulínu

Rafmagnslaust á Siglufirði

Siglufirði 13. janúar.

Síðastliðinn laugardag var hér mikið rok og allt í einu fór rafmagnið.

Þegar farið var að kanna skemmdirnar kom í ljós, að 30 fermetra skíðakofi uppi í Siglufjarðarskarði hafði tekist á loft, fokið 20-30 m. og brakið úr honum fokið á háspennulínu og allt rafmagnið farið um leið.

Var þá tekið það ráð að láta dieselvélar síldarverksmiðjanna keyra út á kerfið, en þar sem þær anna ekki rafmagnsþörfinni, varð að skammta rafmagn þar til rafmagn frá Skeiðsfossvirkjun kom aftur á um kl. 1.30 aðfaranótt sunnudagsins --- Steingrímur..

Jarðhræringar og brennisteinsþefur nyrðra

JARÐHRÆRINGA varð vart aðfaranótt föstudags.

Kl. 3.10 kom frekar vægur jarðskjálftakippur.

Björn í Bæ sagði Mbl. í gær að greinilegur brennisteinsþefur hafi fundist á Höfðaströnd á föstudagsmorgun.  Þá  var sunnan stórveður, allt að því rok, á Höfðaströnd.

Jarðhræringar þessar komu fram á mælum í Reykjavík. Ekki hefur verið lesið á mælinn á Akureyri, þegar Mbl. talaði við vörð hans í gærkveldi.