Snjóþungi á Sigló | Tunnuverksmiðjubruni | Eldur í tunnuverksmiðju | Ferðasaga myndanna | Fréttaskýring | Erlingur Jónson | Tunuverksm.viðtöl | Þrjár fréttir frá Sigló | Áramótin 63/64 | Brotin rúða | Siglufjarðarskarð fært | Skotkeppni | Verkefnasýning | Skemmtileg skíðakeppni | Skarðsmótið 1964 | Göngukeppni | Draugur strandar | Nornen sækir Draug | Sjávarborg | Fyrsta síldarsöltunin | Sigvald tók niðri | Siglfirðingur SI 150 | Ufsinn í hættu | Falleg Síld á Sigló | Svipmyndir - Sigluf. | Lauginni lokað | Í snjó í Siglufjarðarskarði | Síld í september | Þrjár fréttir | Borgarísjaki | Fjórar fréttir

>>>>>>>>>>> Nornen sækir Draug

Siglufirði,  23. júní. -- Síðdegis í dag kom hingað norskt varðskip til að draga Draug, sem strandaði í minni Siglufjarðar á sunnudag. Þetta er eitt af nýjustu varðskipum Norðmanna og heitir Nornen og er um 1000 lestir að stærð og gengur um 17 mílur á klst. Það var tæpa 52 tíma á leiðinni frá Noregi. Bar brottför þess brátt að og var gleðskapur þar um borð, þar sem helmingur áhafnar var að fara í sumarleyfi. Varð að slíta hófinu án þess að menn vissu hvað til stóð og var haldið á haf út á fullri ferð. 

Á leiðinni hittu þeir annað Norskt varðskip og fengu lánaða þar fimmtán menn til að sigla til íslands. Ráðgert er að, að varðskipið fari af stað með Draug áleiðis til Noregs á morgun og áætlar að vera 4-5 sólarhringa á heimleiðinni. Um borð í varðskipinu eru fjórar aflvélar, en ein skrúfa. - Áhöfnin á Draug mun ekki gefa skýrslu um strandið fyrr en í Noregi.  S.K.

Norski varðbáturinn Nornen sem mun draga herskipið Draug, út til Noregs.

 Þessar myndir eru teknar Nornen við bryggju á Siglufirði. Á myndinni hér til vinstri má sjá efst á brúnni teikningar af tveim togurum, annar mun vera enskur en hinn franskur, en það táknar að varðskipsmenn hafa tekið tvo togara í Norskri landhelgi.